كل سنة والجميع بخير ..

alsoug.com موقع الكتروني مجاني تماما يهدف إلى تسهيل مهمة البيع والشراء والاستبدال  عبر الشبكة العنكبوتية بكبسة زر واحد  ..

وقد لاقى الموقع والتطبيق المصاحب رواجا هائلا في الفترة الأخيرة لسهولة تحميله على الهاتف وبساطة التطبيق التي تناسب جميع الأعمار والخلفيات العلمية ..ولكن كان هناك بعض النقاط التي وجب توضيحها للمستخدمين لضمان عموم وكمال الفائدة تماما ...

وعشان كدا ..جبنا ليكم أستاذة نهلة النو ، احد اعضاء قسم التطوير من أسرة alsoug.com ..عشان تشرح لينا بالراااحة كدا الحاصل شنو :

*حدثينا عن الموقع بشكل عام والأهداف اللتي يرنو أليها السوق:

سوق السودان الإلكتروني هو موقع موجه للمستخدم السوداني بشكل خاص ، بيوفر ليهو حاجات كتيرة جدا في مكان واحد. سواء كان عاوز يبيع أو يشتري ، أو لو قاعدفي السودان او برة السودان وعاوز يدرس السوق بتأني بالذات في العقارات و الخدمات ، أو حتى موظف يبحث عن عمل مناسب وصاحب عمل يبحث عن موظف مناسب حتي الاجانب الموجودين في السودان ممكن يستخدموا الموقع و حاولنا نسهل ليهم معاملاتهم عبر تصنيف خواجه... كل الأشياء دي وأكثر متوفرة ومتجددة بشكل يومي في موقع السوق.. والحمدلله التطبيق لاقى رواج بين الناس ونسبة تحميله على الهواتف عالية جدا تفوق التوقعات ..ودا ان دل على شيء فإنما يدل على نجاح التطبيق في الوصول لكل فئات المجتمع .



* اكيد من خلال الفتره الفاتت كانت عندكم ملاحظات سواء منكم او من المستخدمين ، شنو الملاحظات المهمة في رأيك؟

#لاحظنا في الفترة السابقة أن  الكثير من المستخدمين حملوا  التطبيق في الهواتف، ثم نسوا تماما انو موجود ، رغم إنو التطبيق فيه خاصية الاشعارات المسؤولة عن تنبيه المستخدم بأخر مستجدات الموقع ..بس لو المستخدم ما مفعل الخاصية دي فا أكيد حيفوتوا الكثير من الجديد والمفيد.. وكل الموضوع ضغطة زر واحدة كفيلة  بتفعيل خاصية  قبول التنبيهات و الاشعارات و بكده حتوصله بسهوله .

#كمان جاتنا بعض التعليقات من المستخدمين إنو بعد ما يباع المنتج  ، بتفضل توصلهم رسائل ومكالمات عن راغبين في العرض ، ودي كمان حلها بسيط ، بعد أن يباع المنتج ، في خيار أنك تضع المنتج في قائمة (تم البيع) ، بكدة مافي حد حيزعجك تاني ..بس حيكونوا مطلعين على نوع نشاطك مع ضمان عدم حدوث أي سوء فهم تاني ..

#في حاجة مهمة جدا ... المستخدمين اللي بيعرضوا منتجات أو عقارات بنفضل إنهم يحملوا صور واضحة و تفاصيل شاملة، لتوفير الزمن على صاحب العرض و المستخدمين الأخرين ، وضمان عملية بيع سلسة .

@مافي أسرار زيادة ؟ نورينا!

أكييد دايما في أسرار مفيدة مع السوق ..

المدونة ، و دي واحدة من الأقسام الهامة جدا في الموقع والتطبيق ،لانها بتغطي شتى المجالات المختصة بالتسوق والمعاملات التجارية ، يعني مثلا لو العميل بيفتش على جهاز تلفون وما عارف يشتري شنو ، كل العليه هو إنو يزور المدونة ، حيلاقي تقارير مجهزة على يد إختصاصيين بيوضحوا الميزة لكل جهاز مع الأسعار الحالية في السوق ، يعني من غير ما يطلع العميل من البيت إحنا بنوفر ليهو مستشار مجاني في تلفونوا يديهو الحقائق ويسهل عليه عملية الشراء .. ودا جزء بسيط  فقط من ما تقدمه المدونة للمستخدم  و بنسعي فيها دائماً اننا نقدم دراسات حقيقية بتعكس السوق و الاسعار..


# وبالنسبة للباحثين عن وظائف ، كان بيجينا تعليق متكرر إنه اعلانات الوظائف ما بتشمل رقم هاتف للتواصل ، ودي حقيقة ، لكن الأساس في التقديم على الوظيفة هو التواصل عبر البريد الإلكتروني ، لأن الإتصال بصاحب الوظيفة عبر الهاتف للتقديم طريقة غير عملية وتعطله عن أداء عمله ، كما أن تحميل السيرة الذاتية المضاف حديثاً يوفر فرصة للشركات بالتعرف عن الباحث عن وظيفة فتوفر الكثير من الوقت للجهتين ..

 إنتو بس قدموا للوظائف الموجودة كل يوم ..و سيبوا الباقي على الله ثم على السوق

@كيف ممكن يتواصل العميل معاكم ؟

 كل ما على المستخدم إنو يسألنا لو في حاجة غلبتو ؟ وطريقة التواصل المباشر مع قسم خدمات المشتركين عبر الرقم 2692 ، ولو  في إضافات للتطبيق ممكن تفيد المستخدمين إحنا على استعداد تام للأخذ بالأراء والمقترحات ..لأنه هدفنا الأساسي راحة المستخدم قبل كل شي.

ما تنسي لو لسه ما حملت التطبيق حمل التطبيق من هنا

التعليقات



تسجيل الدخول