السوق مجتمع بيشبهنا

اولا نبدأ بالسلام عليكم قبل ما ندخل في الموضوع المهم ، الموضوع هواننا انشأنا تصنيف جديد بموقع  alsoug.com مخصوص للفعاليات الاجتماعية ، لاننا شعب اجتماعي و بيهتم بكل المفعاليات الموجوده علي الساحه حبينا نحن كمان في الموقع انه نسهل عليكم عملية الاعلان عن اي نشاط او فعالية اجتماعية بمختلف الفئات و الفئات دي حنتكلم عنها بتوسع بعد شوية عشان ما توصل فعالياتكم دي لاكبر عدد من الجمهور لانه موقع alsoug.com هو اكبر موقع اعلانات في السودان و نسبة المشاهده فيه عالية جداً.

في التصنيف ده حاولنا اننا نحصر كل انواع الفعاليات البتقوم في السودان علي النحو التالي :

1- اسم التصنيف : فعاليات و مجتمع

التصنيفات الفرعية : 

- فعاليات الاتحادات  الرياضية :

و هنا ممكن تعلن عن اي مسابقات او فعاليات عامة بيقوم بيها الاتحاد الانت بتنتمي ليه زي نهائيات البطولات او البطولات نفسها و كمان المعارض و الحفلات الجماهيرية البيقوم بيها الاتحاد و ما ننسى انه ممكن عادي تعلنوا عن فتح باب العضوية للاتحاد و تشرحوا عن كيفيه الالتحاق بالاتحاد و كل الاوراق و المرفقات المطلوبة ، وعشان ما توصل كل نشاطاتكم لاكبر جمهور ممكن ( أعلن يا زول!)

- فرق و اندية رياضية :

لو كنت صاحب نادي ترفيهي او رياضي او كنت مدير فريق او عندك نادي رياضي بمختلف الانشطة الرياضية و حابي تزيد عدد المشاركين معاك و تروج للخدمات البيقدمها فريقك او ناديك و كمان حابي تدعي الناس للفعاليات البيقوم بيها النادي او باب العضوية مفتوح للانضمام ما عليك الا انك ( تعلن يا زول! )

- برامج ترفيهية :

هنا ممكن تعلن عن كل الفعاليات الترفيهية سواء مجانية او بتذاكر و كمان ممكن تروج لمنتجعك السياحي او مدينة الملاهي الخاصة بيك بالاضافة لي اي حفل جماهيري عبر الموقع الاول alsoug.com و (أعلن يا زول! )

- مفقودات  و موجودات :

فقدت اوراق ثبوتية او اي حاجه مهمة و ما عارف توصل ليها كيف ياريت تعلن عن مفقوداتك في التصنيف ده عشان اذا في اي شخص وصل ليها ممكن عبر الموقع يوصل ليك لانه زي ما في مفقودات كمان في ناس بتلقي حاجات ضايعة و بتكون حابة انها ترجعها لاصحابها او تساعد في البحث و هم كمان ممكن يعلنوا عن اي موجودات هنا عشان يسهلوا عملية المعرفة و الوصول ليهم.

- فعاليات اجتماعية :

هنا ممكن تعلن عن حاجات كثيرة جداً سواء فعاليات خيرية ، بازارات تجارية ، معارض فنية ، حفلات جماهيرية ، مسرحيات ، سينما ، مهرجانات ثقافية و فنية ..الخ يعني اي حدث اجتماعي مهم ممكن تعلن عنه في alsoug.com

ده كان شرح مبسط عن التصنيف الجديد إذا في اي استفسار او اقتراحات ممكن تشاركنا ليها عبر المساعده و الدعم او ممكن تراسلنا علي البريد الالكتروني help@alsoug.com