سبعة اسئله   ومعلومات قيمه ومفيده عن العقارات تمت الاجابه عليها من الاستاذ احمد سيد احمد احد اصحاب العقارات و احد مستخدمين موقع السوق في تصنيف العقارات      

• عرفنا بنفسك، و من متين اشتغلت في مجال العقارات؟
• بسم الله,انا احمد سيداحمد محمد عبد الله , بديت في مجال تجارة العقارات من سنة خمسة وتسعين والحمد لله مستمرين لليوم
•  ما هي أكثر العقارات طلبا للشراء؟، و كيف حيكون إقبال الناس على الشراء بعد فتح التمويل من البنوك؟
• طبعا كل محلية من محليات الخرطوم فيها الاماكن المميزة وليها ناسها لكن صراحة اكتر الاماكن طلبا للشراء في محلية الخرطوم مثلا: (الرياض_المنشية_الطايف_الحي الراقي), اما بالنسبة لرفع الحظر وفتح البنوك فهو بالتاكيد كان ليهو اثر ايجابي على حركة الاراضي في البلد كلها فبقت الناس بتقدر تدفع اسهل وحتى اسعار الاراضي انخفض شوية وظهرت تساهيل كتيرة ما كانت متاحة ايام الحظر.

• كيف أعرف أن قطعة الأرض أو البيت الذي أريد شراءه له أوراق رسمية صحيحة وليست مزورة؟
• صراحة النصب والاحتيال والتزوير كتر في الاونة الاخيرة عشان كدة الزول حقو يتوقى الحذر والحيطة واهم شي طلب شهادة بحث جديدة لتاكيد ملكية الارض او العقار للبايع.
•  كم تأخذ في العادة إجراءات شراء قطعة الأرض أو البيت من الزمن حتى تصبح ملكي؟
• بتحتاج غالبا يوم عشان تسلم القروش وتمضي البايع على الورق وبتحتاج ستة يوم تزيد او تنقص لتسجيل الارض باسمك يعني غالبا اسبوع.
•  لماذا ما زالت أسعار الشقق غالية و قريبة من أسعار البيوت؟، و هل تشهد إقبالاً على شراءها؟
• والله ياخ لا منطق للسوق بالذات انو في مخططات السكنية بتعاني من ضعف في الخدمات _ما كلها طبعا_ نسبة للضغط السكاني الكبير.
• - هل لديك أي نصائح للذين يودون شراء عقارات جديدة؟
• اقول لاخواني المغتربين اللي كثيرا بيتعرضو للنصب والاحتيال انهم يتمهلو ويتاكدو من كل خطوة صح وانهم يلجأو لجهة مضمونة واذكر الناس انو شهادة البحث حديثة الاصدار اهم شي.
•  ما رأيك في الخدمات التي يُقدمها لك موقع السوق للإعلان؟، و هل ساعدتك هذه الخدمات في التوسع في أعمالك و مبيعاتك؟
• السوق.كوم موقع متتاز الحقيقة واستخدمتو كتير لعرض الاراضي والعقارات البتجيني وحتى بعيد عن موضوع العقارات بلقا فيه اشياء كتيرة مفيدة وبعروض مغرية.
• للتعرف اكثر عن العقارات اضغط هنا