كلنا لما نسمع كلام سمح عن السودان بنفرح و نعتز بسودانيتنا .. و بنمشي وسط الخلوق و نقول تصور كيف يكون الحال لو ما كنت سوداني.. و حقيقي السودان بلد مفخرة ..
عشان كده يا احباب بنقول ليكم المحبة دي فعل ما قول و المحبة دي اننا نعكس قيمنا السمحة و نقدم الافضل وين ما نكون لكن الاهم اننا نعمل ده اول جوة بلدنا السمحة..
و عشان جملة تصور كيف يكون الحال لو ما كنت سوداني..
.
.
*تخيل/ي انك بترمي الوساخة في الاماكن المخصصة ليها لانة عامل النظافة مهمته انه يشيل البرميل و يفضيه ما انه يلقط الوسخ بي ورانا..
*تخيل/ي انك شايل عادات و تقاليد اهلنا السمحين و بتعاون جارك و بتكرم ضيفك بابسط ما عندك..
*تخيل/ي انك بتحترم زملاء الجامعه و الشغل زي اخوانك و اخواتك في البيت ..
*تخيل/ي انه ست الشاي مرأة مرقت من بيتها عشان و راها كوم عيال فشنو خاف الله فيها..
*تخيل/ي انك لم تجتهد انك تشتغل و لو شغلانه بسيطة و ما منتظر انك تشتغل مدير طوالي انت كده بتساهم في دفع عجلة الاقتصاد ( حتقول انا منو عشان اعمل كده حنقول ليك انت قادر علي كده بس اتوكل ) ..
*تخيل/ي انك بتلتزم بالصف و ما بتسرق فرصة غيرك لأنه الرزق مقسوم ..
*تخيل/ي انك بتبتسم لما تسلم علي اي زول بيقابلك كيف ممكن تكون الابتسامة دي بتهون عليه وجع..
*تخيل و تخيل و تخيل حاجات كثيرة حتخلينا افضل من ما نحن اليوم ..
اخر حاجة نحن في alsoug.com بنتمني اننا نساعد في جانب صغير من تنمية بلدنا فشنو ما تخجلوا الموقع موقعكم بيعوا و اعلنوا اي شي و اعتبروه وحده من بوابات الرزق المفتوحة..
التعليقات
لأضافة تعليق من فضلك
التسجيل / الدخول