اهديها 
البحث عن موظف
البحث عن موظف :
عدد الوظائف الشاغرة كبير جدا في السودان على خلاف المفهوم العام.. وكمية الشباب الباحث عن عمل ماشالله تبارك الله كل يوم في زيادة..
طيب الناس ديل ما لاقين بعض ليه؟؟
الليلة في بلوق The panel حانحاول نوفق راسين في الحلال..
وفرة الوظائف وارتفاع نسبة العطالة بيبين باختصار انو في خلل في وسيلة التواصل بين الجهتين .. والخلل دا أسبابه كالأتي:
#الاعتماد على الواسطة كمصدر للموظف المثالي
# عدم اعلان الشركات عن الشواغر في المنابر المناسبة
#عدم إعلان الشركات عن الشواغر أساسا.. والاعتماد على مقدرة الموظف الخارقة في "شم" الوظائف الشاغرة عن بعد
#التركيز على الخبرات واهمال المقدرات
#تركيز الباحث عن عمل على الديكور واهمال "الكور" فيما يتعلق بسيرته الذاتية
#كسل الموظف الجيني الذي يؤدي الى "كلفتة" في البحث بالطريقة السليمة و "نقنقة " مسائية في صعوبة ايجاد وظيفة.
# نقص حاد في المنابر المناسبة التي تجمع الباحث عن عمل مع الباحث عن موظف ( ورش عمل ، معارض ، منتديات ...الخ)
الحل بسيط على فكرة... الباحث عن موظف لازم يحاول يتواصل بشكل افضل مع الشباب .. إلاعلان اهم شي وطرقه كتيرة جدا .. ياخ ان شالله تلصقوا بوسترات مكتوب فيها (تعالوا اشتغلوا معانا ) في (العربات) والركشات.. مالا الركشات عيبوها لي ؟؟!!
0 SDG
الوساطة من أسوأ الوسائل المستخدة في زمننا لأنها بتظلم صاحب المقدرة وبتدي الفرصة لشخص قد يكون غير مناسب ..
قسم الوظائف في السوق.كوم مسهل الحاجة دي على الجهتين .. لانه مجاني وسهل الاستخدام وموجود في اجهزة أغلب الطبقات المجتمعية دون فرز ..فيهو وظائف من كل ترتيب ونوع... وفيهو الباحث عن عمل يستاهلوا فرصة ..
أما الباحث عن العمل ،السوداني الكسول اللطيف، المتكل على ربنا ثم الواسطة.. كيف تمام؟
السوق.كوم طالب منك يوم واحد تقعد تجهز فيهو سيرة ذاتية كاااربة على حسابك في الموقع.. ومجااانا .. وخلي الباقي على السوق ..
اعلن عن نفسك يازول
سوق السودان
تواصل معانا من خلال صفحاتنا على
التعليقات
لأضافة تعليق من فضلك
التسجيل / الدخول